ANIVERSARIO EN 1º B

Comezamos o segundo trimestre celebrando o aniversario de Laura que cumpriu sete anos o pasado día dous. Veu cargadiña coas "cousiñas" que nos quería ensinar e das que nos contou moitas cousas. Un agasallo dos Reis Magos, a Barbie color reveal, que cambia de cor se a somerxes na auga, o polbo das emocións reversible para saber como se sente e un dos seus contos preferidos: "Rosa caramelo". Pero do que máis nos falou foi de Skye, a súa cadeliña adoptanimals, á que coida e dá moitos agarimos desde que ten tres aniños. Para rematar o seu día, na hora de ler Laura leunos o seu conto, perfecto para traballar a coeducación.

MOITAS FELICIDADES PARA A MAIOR DA CLASE!